485
Залуу зураашадай дунда «Art-round» гэһэн можо хоорондын мүрысөөн Буряад Уласта соносхогдобо. Энэ хэмжээн Зүн Сибириин соёлой институдай анхан байгуулагдаһаар 60 жэлэй ойдо дашарамдуулагдан, ноябриин 16-һаа декабриин 20 болотор үнгэрхэ. Харилсаагүй аргаар эмхидхэгдэһэн харалганда 10 наһатайһаа эхилээд, 35 наһатай бэлигтэн хабаадаха аргатай.
Харалга дүрбэн шатаһаа бүридэнэ:
- 1-дэхи шата ноябриин 16-һаа декабриин 4 болотор харалганда мэдүүлгэнүүд абтаха, 4 номинацида ажалнууд хубаагдаха;
- 2-дохи шата декабриин 4-һөө 7 болотор жюри дүн гаргаха;
- 3-дахи шата декабриин 7-һоо 20 болотор харалганда эльгээгдэһэн зурагуудай үзэмжэ онлайн аргаар эмхидхэгдэхэ;
- 4-дэхи шатада харалганда амжалта туйлагшадта шангалай бэлэгүүдые эльгээлгэ.
«Уран зураг», «Графика», «Скульптура», «Дизайн» номинацинуудаар харалган хубаагданхай. Тиихэдэ наһанай гурбан бүлэгөөр 10-17, 18-25, 26-35 ами аминдаа харалганай дүнгүүд гаргагдаха болоно.
Хабаадагшад энэ хаягаар 670031, Улан-Удэ хото, Терешковой нэрэмжэтэ гудамжа, 1, интернет хаяг: [email protected]. тогдоогдоһон болзорто зурагуудаа эльгээхэ ёһотой. Нэгэ зурааша гурбан зураг хүрэтэр эльгээжэ болохо гээд Зүн Сибириин соёлой институдай хэблэлэй албан мэдээсэнэ.
Фото: yandex.ru
