479
Буряад Уласай уран гартан Зорикто Доржиевай «The Lady of Energy» бүтээл Ородой Холбоото Уласай урлалай долоон хоногто эгээл эрхим гэжэ нэрлэгдээ. Зайн гал дамжуулдаг түхеэрэлгэ – эбэртэй буряад басага зураглаһан бүтээл «Хотын болон паркнуудай скульптура» номинацида эрхим гэжэ тодороо.
Тала газарта ябажа байтараа, гэнтэ бодол толгойдом орожо, нэн түрүүн энэ бүтээлэй гар зураг бии болоо. Энэ зураг үни орхигдоод байһанаа, мүнөө үеын урлалай зохид бүтээлнүүдые шэлэн абалгын комиссиин Улаан-Үдэ ходо ерэхэдэнь түрүүшынхиеэ тусхай вышка болгоогдожо, олоной анхаралда дурадхагдаһан байна", - гээд Зорикто Доржиев хэлэнэ.
Иимэ түхэлтэй зайн галай вышкануудые зарим хотонуудта табиха тухай дурадхалнууд авторта оруулагдана. Энэ талаар түсэл бэелүүлэгдэбэл ехэ зохид байха гээд уран гартан тэмдэглэнэ.
Түрэл Улаан-Үдэ хотодо ехэ зохид уран бүтээл бэлдэжэ табибал гоё байха һэн. Намда «Бурятия» гэһэн зохид буудалай байшанай газаа талые зохидоор шэмэглэхэ һанаан бии», - гэжэ Зорикто Доржиев онсолно.
Фото: minkultrb.ru
