295
«Буряадай 100-топ суурхаһан газарнууд» гэжэ нэрлэгдэһэн харалган ноябриин 17-һоо соносхогдонхой. Энэ харалган Буряад Уласай анхан байгуулагһаар 100 жэлэй ойдо зорюулагдан үнгэргэгдэхэ хэмжээнүүдэй нэгэн болоно.
Харалганай аргаар уласай аяншалгын талаар эгээл зохид газарнууд тодорхойлогдохо", - гээд Аяншалгын талаар яаманай мэргэжэлтэд тэмдэглэнэ.
Тиимэһээ конкурс табан шатаһаа бүридэжэ, ерэхэ оной февраль һарада түгэсэхэ болзортой.
Хабаадагшад энэ интернет хаягаар [email protected]. нэн түрүүн мэдүүлгэ үгэжэ, 1200 пиксель хэмжээнтэй, JPEG түхэлөөр хэгдэнхэй гэрэл зураг эльгээхэ гол эрилтэтэй байна. Гадна гэрэл зураг тухай тодорхой мэдээсэл 500 тэмдэгүүдһээ үлүү бэшэ эльгээхэ шухала.
Иимэ аргаар, олон зоной хабаадалгатайгаар «Буряадай 100-топ суурхаһан газарнууд» шэлэн абтажа, тэдэниие улам хүгжөөхэ, аяншадые олоор татаха хүсэл бэелүүлэгдэхэ түсэбтэй.
Фото: must-see.top/dostoprimechatelnosti-buryatii
