466
Ородой Холбоото Уласай Арадай артист Майдари Жапхандаевай нэрэ Буряадай циркдэ олгуулха тухай асуудалаар зүблөөн болоо.
Буряад драмын театрай, Композиторнуудай холбооной, Буряадай циркын, Ага нютагай зоной эблэлэй, Циркын болон театрнуудай холбоонуудай түлөөлэгшэд зүблөөндэ хабаадажа, нэгэн дуугаар энэ дурадхал дэмжэбэ.
Дуу үгэлгын урда сугларагшад Майдари Жапхандаевые дурсажа, сэдьхэлэй дулаан үгэнүүдые хэлээ.
Буряад Уласай Арадай аритистка Лариса Егорова иигэжэ дурсалгаяа эхилээ:
Майдар Жапхандаевтай нэгэтэ бэшэ зүжэгүүдтэ хамта наадаабди. Үнэн сэхэ, хүнэй үгэдэ даб гээд орохогүй, өөрын онсо һанамжатай, хараа бодолтой хүн байгаа. Иимэл хадаа Буряадай цирк байгуулжа шадаа. Энэ талаантай, бэлигтэй хүнэй нэрэ олгуулха хэрэгтэй».
Ага нютагһаа гарбалтай Буряад Орон дотор ажаһуудаг нютаг зоной холбооной түрүүлэгшэ Баясхалан Раднагуруев иигэжэ хэлэбэ:
Бидэ Майдари Жапхандаевые тайзан дээрэ наадажа байхые хараһан золтой хүнүүд гээшэбди. Урагшаа һанаатай, саашанхи хараа бодолтой хүн байгаа. Тиимэһээ 20 мянган агинхидай зүгһөө энэ шиидхэбэри дэмжэнэб».
Ноябриин 10-да Буряад циркын байгуулагдаһаар 20 жэл гүйсэбэ. Һайндэртэ зорюулагдаһан ёһололой хэмжээн ноябриин 29-дэ онлайн аргаар үнгэрхэ. Удхаараа аргагүй гүнзэгы, арга боломжоороо үргэн, олоной анхарал татаха программа бэлдэгдэжэ байна.
Фото: azarovskiy.livejournal.com
