424
Эстрадна дуу гүйсэдхэлгын «Наранай туяа» харалганда Буряад, Хакас Уласуудай, Үбэр Байгалай хизаарай эдир дуушад хабаадажа, ноябриин 29-дэ гала-концертээр түгэсэхэнь.
Хоёр зуугаад дуушад хабаадажа, Буряадай мэдээжэ дуушад Билигма Ринчинова, Чингис Раднаев, Мэдэгма Доржиева, Екатерина Карпачева, Александр Саможапов, Ринчин Дашицыренов гэгшэдһээ бүридэһэн шүүгшэд тэдэние сэгнээ. Харалганда хабаадагшадай эльгээһэн видеобуулгабаринуудые мэдээжэ артиснар хаража, үни удаан хэлсэжэ, дүнгүүдые гаргана.
Хоёр номинацида дүн гаргагдажа, харалганда амжалта туйлагшадай нэрэнүүд түгэсхэлэй онлайн концертдэ тодорхойлогдохо», - гээд эмхидхэлэй хороной гэшүүд хэлэнэ.
Энэ www.smotriefir.ru интернет-талмайда концерт харуулагдаха. Биледүүдынь һаядаа энэл хаягаар наймаалагдаха.
«Наранай туяа» харалган заншалта боложо, жэл бүхэндэ Буряад Уласай Соёлой яаман болон Уласай урлалай түб үнгэргэнэ.
Фото: minkultrb.ru
