549
Энэ жэл Улаан-Үдэ хотын гол талмайда табигдаһан ногоон хасуури эгээл гоё, эгээл үндэр байхань", - гээд хотын ажахын хорооной мэргэжэлтэд дуулгана.
Олондо мэдээсэл тараадаг эмхинүүд, интернет сүлжээнүүд ерэхэ Шэнэ жэлэй һайндэрые угтуулан, Буряадай ниислэл хотын Соведүүдэй талмайн гол шэмэг хасуури тухай саг болоод лэ бэшэнэ. Хасуури 27,5 метр үндэртэй. Тиин Ород Улас дотор энэ жэлдэ табигдаһан эгээл үндэр арбан хасууринуудай топ бүридэлдэ оруулагдаба. Үсэгэлдэр Шэнэ жэлэй талмайе үнгын гэрэлнүүдээр гоёоһон утаһан ойро зуура носоогдожо, олоной һайшаалда хүртэбэ. Эдэ үдэрнүүдтэ хасуури гүйсэд шэмэглэгдэжэ дүүргэгдэхэ. Тэрэнэй удаа олон зон гол талмайда ерэжэ, зохид фото, видеобуулгаха аргатай болохо. «Одото тэнгэри» гэжэ нэрлэгдэһэн зайн галнуудай шэмэг мүн лэ энэ жэл түрүүшынхиеэ үлгэгдэбэ гэжэ онсо тэмдэглэе.
Фото: комитет городского хозяйства
