553
«Russian Event Awards-2020» гэһэн шангай түгэсхэлэй шатада «Эгээл ута гудамжаар сэнгэжэ ябалга» гэһэн түсэл оробо гэжэ Бичура-инфо дуулгана.
«Эгээл ута гудамжаар сэнгэжэ ябалга: Бэшүүрэй хорёонууд» гэһэн түсэл «Соёлой һалбарида аяншалгын эрхим хэмжээ ябуулга (100 мянган хүрэтэр ажаһуугшадтай)» гэһэн номинацида хабаадана. Байгша оной декабриин 8-10-ай үдэрнүүдтэ мүрысөөнэй түгэсхэлэй шата Екатеринбург хотодо үнгэрхэ. Тус түсэл Бэшүүр аймагай соёлой таһагай аяншалгын талаар мэргэжэлтэн Марина Степанова зохёон байгуулаа. Бэшүүрэй түлөөлэгшэд Екатеринбург хото мүрысөөндэ хабаадахаяа гараһан байна.
2019 оной октябрь һарада Бэшүүрэй эгээл ута Коммунистическая гудамжада анха түрүүшынхиеэ «Бэшүүрэй хорёонууд» гэһэн найр наадан эмхидхэгдээ. Айлшадай һонорто олон һонирхолтой мастер-классууд эмхидхэгдэһэн байна. Энэ түсэл саашадаа Бэшүүр аймагай болон бүхы Буряадай аяншалгын бренд болохо аргатай.
Источник: Бичура-инфо
