Буряад Уласай соёлой сайд Хори, Хэжэнгээр ябаад ерээ

Хэжэнгэ нютагта һая һэльбэн шэнэлэгдэһэн соёлой байшанай нээлгын ёһололдо сайд хабаадалсаба.  Соёлой байшан заһаха хэрэгтэ 3 сая түхэригһөө үлүү мүнгэн һомологдожо, ехэхэн ажал ябуулагдаа. Гадна Ж. Батуевай нэрэмжэтэ хүүгэдэй урлалай һургуулиин ажабайдалтай дүтөөр танилсажа, багшанартайнь, эдир бэлигтэйшүүлтэй уулзалга үнгэрөө.

Үдын хойно соёлой яаманай мэргэжэлтэд Хориин аймагай түб Хори нютаг айлшалжа, музей болон мүн лэ шэнээр заһабарилагдаһан соёлой ордоной киногой танхим хараба.  Байгша ондо Ород Уласай киногой жасаһаа Хориин кинозал заһаха хэрэгтэ 5 сая түхэриг мүнгэн шэглүүлэгдээ юм. Энэ танхим соо уран һайханай кино хаража болохо, үшөө тиихэдэ концерт наада харуулха тайзан олон одото айлшадые угтан абаха аргатай болгогдоо.