427
Буряад Уласай Хойто-Байгалай аймагай Нижнеангарск нютагай соёлой байшан хуушаржа hандаранхай. Тосхоной 4000 ажаhуугша сүлөө сагаа сэнгэн амарха газаргүй байжа, Буряад Уласай засаг газарта туhаламжа тухай хандаhан байна.
Соёлой энэ байшан Нижнеангарскын эгээл хуушанай байшан болоно. Баригдаhаар шэнэлэн заhабарилагдаагүй байшан hандаржа эхилээ. Тиигэжэ мүнөө жэл июль hара соо аюулта байдал ушараа.
«Бурхан хаража, hүниин сагта хаяань норожо унаа», - гэжэ Хойто- Байгалай аймагай гулваа Игорь Пухарев хэлэнэ.
Заhабарилгада мүнгэн хэрэгтэй, тиимэhээ Алексей Цыденовта туhа тэдхэмжэ тухай хандаабди гэжэ тэрэ нэмэнэ hэн.
Мүнөө барилгын хэрэгтэ саарhа дансанууд хэгдэжэ, шэнжэлгэ гаранхай аад, шэнэлэн заhабарилгын ажалай программада орожо үрдеэгүй. Тиигэжэ нютагай зон Арадай Хуралай hунгамал Сергей Козловто хандаhан байгаа.
Соёлой энэ байшан соо аймагаймнай бүхы хэмжээ ябуулганууд эмхидхэдэдэг юм гэжэ арадай hунгамал хэлэбэ. Уран бэлигэй бүлэгүүд хүдэлдэг гэжэ тэрэ нэмэнэ hэн. "Алас Дурнын хүгжэлтэ" гэhэн программада оруулагдажа, 2021 ондо соёлой байшан заhабарилагдаха гэжэ аймагай захиргаан ба ажаhуугшад ехэтэ найдана. Хүдөө нютагта соёлой байшангүй гээшэнь ехэ муу. Арад зон хаа-яа үдэр бүриин ажабайдалһаа амарха хүсэлэнтэй байна ха юм даа. Соелой байшан хамтын хүсөөр баригдаха бэзэ гээд найдагдана.
