414
Шэнэ жэлэй һайндэртэ зорюулагдаһан фейерверк Улаан-Үдэ хотодо декабриин 30-да табигдаха.
Энэ үдэр, үдэшын 17:30 сагта Соведүүдэй талмайда гол ногоон хасууриин болон «Верхнеудинская ярмарка» гэжэ нэрлэгдэһэн мүльһэн хото нээлгын ёһолол үнгэргэгдэхөөр түсэблэгдэнэ. Гарахаяа байһан Шэнэ жэлээр Буряад Уласай Толгойлогшо Алексей Цыденов, Улаан-Үдэ хотын мэр Игорь Шутенков гэгшэд амаршалжа, хотын соёлой түбэй мэргэжэлтэдэй бэлдэһэн хүгжэм дуута дамжуулганууд харуулагдаха.
Декабриин 20 болотор Мүльһэн хото гүйсэд бэлдэгдэжэ, конькигаар ябаха каток, худалдаа-наймаа эрхилхэ газарнууд нээгдэхэ. Мүнөө бэлэдхэлэй ажал түлэг дундаа. 27,5 метр үндэртэй ногоон хасуури тогтоогдожо, үнгын гоёлтонуудаар шэмэглэгдэжэ, олоной һайшаалда хүртэнхэй. Гадна мүльһөөр гоё бүтээлнүүд хэгдэжэ, хотын гол талмай шэмэглэнэ.
Фото: yandex.ru
