Буряад драмын театр ээлжээтэ 89-дэхи театральна хаһаяа эхилхэнь

Х. Намсараевай нэрэмжэтэ Буряад драмын театр декабриин 25-да үүдэеэ сэлижэ, эпидемилогическа байдалай бүхы эрилтэнүүдые сахижа, харагшадаа угтахань. Ээлжээтэ 89-дэхи театральна хаһаяа заншалта ёһоор шэнэ зүжэгүүдээр эхилхэ.

Декабриин 25-26-ай үдэрнүүдтэ Цырен-Дондок Хамаевай «Хэнзэ ногоон» («Отава») романаар найруулагдаһан «Амиды бусаһанайш түлөө» (12+) зүжэг табигдаха.

Декабриин 27, 28, 29-эй үдэрнүүдтэ Буряад театр «Хуби заяанай чемодан» (18+) («Судьба в чемодане») зүжэгтэ урина.

Декабриин 26- 27-до, Шэнэ жэлэй амаралтын үдэрнүүдтэ Буряад театрай фойе соо Соёлой Ородой жасын грантаар, «Байкальский культурный форум» бүлгэмэй дэмжэлгээр байгуулагдаһан «Алтан Сэсэг» перформанс табигдаха. ( 6+)

Шэнэ жэлэй амаралтын үдэрнүүдтэ һайшаагдаһаан «Үлейн басагад», «Ромео Джульетта хоёр», «Yбгэд+Хүгшэд» зүжэгүүдые харахаар.

Буряад театрай сайтда burdram.ru болон kassy.ru сайтда онлайн аргаар биледүүдые худалдажа абахаар.

Театр ороходоо, заатагүй маска үмдэжэ, харгашадай бэеын халуун хэмжэгдэхэ, гэхэтэй хамта хоорондоо зай баримталха шухала, бүхө һууринуудай 30 хубида харагшад орохо.