«Байгал» гэжэ нэрэтэй соёлой ордон Буряадта нээгдэбэ

Кабанскын аймагай Клюевка тосхондо һэльбэн шэнэлэгдэһэн соёлой байшан нээлгын ёһолол мүнөөдэр үнгэрбэ.

385 дүрбэлжэн метр хэмжээнтэй байшанда оёор, ханануудынь, оройнь, хушалтань гүйсэд шэнэлэгдээ, дулаа дамжуулдаг түхеэрэлгэнь һэлгэгдээ.

1968 ондо Клюевка тосхондо Соёлой байшан баригдажа, 2005 ондо багахан ремонт хэгдэһэн юм. Хүүгэдэй дуунай «Кристаллики», ветерануудай «Байгалай угалзанууд», «Эста», хатарай «Бамбини», «Денс-кор» ансамбльнууд болон «Премьера» театр энэ соёлой ордондо зохёохы ажалаа ехэ һайн ябуулжа, мэдээжэ болонхой. Шэнэлэгдэһэн байшан ехэ зохид, бүхы эрилтэнүүдтэ тааруулагданхай. Тайзан, харагшадай танхимһаа гадуур бэеэ һорихо тусхайта заал түхеэрэгдэһэндэнь  тосхоной ажаһуугшад баяртай.