​Залуу хатаршад мэргэжэлээ шэлэнэ

Гомбо Цыдынжаповай нэрэмжэтэ оперо болон баледэй театрай хатаршадай бүлгэмэй уран һайханай хүтэлбэрилэгшэ Баярта Дамбаев хатарай колледж түгэсхэһэн оюутадтай уулзалга үнгэргэбэ.

Буряад Уласай Л.П. Сахьянова болон П.Т. Абашеевэй нэрэмжэтэ хатарай коллледжын захирал hурагшадайнгаа саашанхи харгы замай, зохеохы ажалайнь түлөө һанаата болодог һайхан заншалтай юм. Колледжын хүтэлбэрилэгшэ Доржо Дугаржапов манай үхибүүд саашадаа амжалтатай, хэрэгтэй мэргэжэлтэд болохын тулада оюутадаа шэлэһэн мэргэжэлтэйнь дүтөөр танилсуулха гэжэ оролдонобди. Һурагшадайнгаа саашанхи мэргэжэлээ зүбөөр шэлэхын тула иимэ хэшээлнүүды үнгэргэнэбди гэжэ мэдүүлбэ.

Үнгэрэгшэ долоон хоногто Г. Ц. Цыдынжаповай нэрэмжэтэ оперо болон баледэй театрай хатаршадай бүлгэмэй уран hайханай хүтэлбэрилэгшэ, Россин габьяата артист Баярта Дамбаев колледжын 3-дахи ангиин оюутадтай уулзалга эмхидхэбэ. Эндэ Буряад Уласай Л.П. Сахьянова болон П.Т. Абашеевэй нэрэмжэтэ хатарай коллледжын хүбүүдэй болон басагадай бүлгэмэй дүй дүршэлтэй, эрхим багшанар хабаадалсаба.

«Манай үхибүүд уран шадабарияа мүлижэ, хатарайнгаа бэлиг талаан улам хүгжөөхэ», - гээд, Буряад Уласай арадай артист, Ородой Холбоото Уласай соёлой габьяата зүжэгшэн Татьяна Муруева тэмдэглэнэ.

Һуралсалаа түгэсхэжэ ябаһан оюутадта театрай ажал тухай тодорхойгоор хөөрэжэ үгтэбэ.

«Буряад Уласай Л.П. Сахьянова болон П.Т. Абашеевэй нэрэмжэтэ хатарай коллледж дүүргэһэн оюутады манай театр хододоо угтан абаха. Ээлжээтэ шалгалтануудаа эрхимээр барихытнай хүсэнэб», - гээд, Баярта Дамбаев хэлэбэ.

Энэ жэлэй туршада оюутад дуу хатарай «Байгал» театрай, арадай дуу хатарай «Забава» болон мүнөө үеын хатарай «Угол зрения» гэhэн бүлгэмүүдэй хүтэлбэрилэгшэдтэй уулзаха юм