Энэ жэлэй харалганда Буряад Уласай 18 аймагуудһаа, Үбэр Байгалай хизаарһаа, Хакасия Уласһаа эдир 174 артистнар хабаадаба.
Онлайн аргаар эмхидхэгдэһэн харалганда хоёр номинацида наһанай гурбан бүлгэмдэ амжалта туйлагшад элирүүлэгдэбэ.
Буряадай мэдээжэ дуушад Билигма Ринчинова, Чингис Раднаев, Мэдэгма Доржиева, Екатерина Карпачева, Александр Саможапов, Ринчин Дашицыренов гэгшэд жюрин гэшүүд байжа иимэ дүнгүүдые гаргаба.
Гран-при шанда Загарайн аймагай Дарья Губенина хүртэжэ, мүнгэн бэлэгээр болон видеоклип буулгаха үнэмшэлгөөр шагнагдаба. Эдир дуушан «Талецкий» гэһэн соёлой түбтэ Наталья Юрьевагай хүтэлбэрилдэг бүлгэмдэ ябадаг байна.
Харалганай тусхайта шан Бэшүүрэй аймагай Шэбэртэ нютагай Тумэн Санжиевта олгуулагдаа. Д. Улзытуевай нэрэмжэтэ соёлой ордоной дэргэдэхи Хүүгэдэй урлалай байшангай түлөөлэгшын багшань Сэржэн Эрдынеева болоно.
Түгэсхэлэй шатада гараһан эдир дуушадай дипломдо Кяхтын 4-дэхи дунда һургуулиин Сарана Дондокова, тусхайта 62-дохи һургуулиин Аяна Цыренжапова гэгшэд хүртэбэ.
Харагшадай һайшаалда Улаан-Үдэ хотын Б. Ямпиловай нэрэмжэтэ Урлалай һургуулиин Диана Жигмитова хүртөө.
Хоёр номинациин гурбан бүлгэмдэ амжалта туйлагшадай тоо олон. Бүри тодорхой мэдээсэл РЦНТ-эйн сайт дээрэ хараха аргатайт.
Фото: РЦНТ