519
Ород Уласай дээдэ мэргэжэлэй һургуулинуудай оюутад энэ харалганда хабаададаг заншалтай. Энэ жэлэй хэмжээндэ Россиин 42 можо нютагуудһаа залуушуул хабаадажа, шанга тэмсээн болоо гэхэдэ алдуу болохогүй.
Буряад Ороной оюутадые энэ харалганда Буряадай гүрэнэй дээдэ һургуулиин Зүүн зүгэй институдай оюутан Сарана Дашинимаева түлөөлжэ, хабаадаһан байна. Тиин Сарана «Алас Дурнын федеральна тойрогой оюутадай Мисс-2020» гэһэн нэрэ зэргэдэ хүртэбэ. 2019 ондо Сарана «Буряадай гүрэнэй дээдэ һургуулиин «Мисс-2019» гэһэн харалганда түрүүшын һуури эзэлһэн гээд, университедэй хэблэлэй албан мэдээсэнэ. Байгша оной ноябрь һарын туршада манай эгээл сэбэр оюутан Ород Уласай хэмжээнэй харалганда бэлдэһэн байна.
Тиин «Ород Уласай Оюутадай Мисс – 2020» нэрэ зэргэдэ Татарстанай түлөөлэгшэ Анна Семёновых хүртэбэ. Ульяновска областиин Никита Григоров «Ород Уласай Оюутадай Мистер-2020» гэжэ нэрлэгдэбэ.
Фото: пресс служба БГУ
