480
Мүнөөдэр, январиин 11-дэ, Ород гүрэн дархан газарнуудай үдэр тэмдэглэдэнэ. Энэл үдэр Баргажанай дархан газар байгуулагдаһан юм.
1997 ондо Байгаали хамгаалгын түб болон Байгаалиин бүхэдэлхэйн жаса гүрэн дотороо дархан газарнуудай үдэр жэл бүри тэмдэглэхэ тухай дурадхал оруулһан байна. Тиигэжэ хаанта засагай үедэ Баргажанай суута булга хамгаалха зорилготой Баргажанай дархан газарай байгуулагдаһан үдэрэй шэлэгдэһэниинь һайшаалтай. Буряадай бэшэ дархан газарнууд зүблэлтэ сагай үедэ байгуулагдаа.
Мүнөө Ородой Холбоото Улас дотор 102 дархан дархан газар болон 39 үндэһэтэнэй паркнууд бии. Тэдээн соо Түнхэнэй дархан газар онсо илгарна. Юундэб гэхэдэ, тэрэнэй дэбисхэр Түнхэнэй аймагай бүхы дэбисхэр эзэлнэ. Тиимэһээ дархан газарай мэргэжэлтэдэй ажал ехэ бэрхэшээлтэй, дэбисхэртэнь хүнүүд ажаһууна, ажахы эрхилнэ. Бусад дархан газарнуудай дэбисхэртэ хүнүүд ажаһуудаггүй.
Фото: Баргажанай дархан газарай сайтһаа
