389
Шэнэ жэлэй эхилхэдэ, хүн бүхэн ажабайдалаа хубилгахаб гэжэ тангариглаһан байдаг. Тиигэжэ, жэшээнь, ажалаа һэлгэдэг. Ажал бэдэрхэ HeadHunter сайтын шэнжэлэгшэдэй тэмдэглэһээр, 2021 оной түрүүшын арбан үдэрэй туршада ажал бэдэрһэн тухайгаа Буряадай 2669 ажаһуугшад мэдүүлһэн байна.
Тэдэнэй ехэнхинь ажалайнгаа намтар һая эхилжэ байһан зон гээд тэмдэглэлтэй. Залуу мэргэжэлтэд тахал үбшэнэй дэлгэрһэн үедэ диплом абажа, мүнөө ажал бэдэрнэ.
«Шэнэ жэлһээ ажабайдалаа хубилгахаб гэжэ хүнүүд өөртөө тангаригаа үгэдэг, тиимэһээ ажалаа һэлгэхэнь эгээл тааруу. Гэбэшье жэлэй дүүрэхэдэ, тэдэнэр хүдэлһэн ажалдаа жэлэй преми абажа, хүлһэеэ алдангүй, ажал бэдэрнэ», - HeadHunter Дальний Восток мэдээсэлэй албанай хүтэлбэрилэгшэ Елена Волкова хэлэнэ.
Ажалаа бэдэрһэн Буряадай ажаһуугшадай дунда ехэнхинь эрэшүүл (57%) болоно. Ажал бэдэрэгшэдэй 48%-нь зургаан жэлһээ дээшэ дүршэлтэй. Гэхэтэй хамта, наһанай талаар хэлэхэдэ, ажал бэдэрһэн 18-һаа 30 хүрэтэр наһатай зон - 38%, 30-40 наһатай зон – 31% болоно. Шэнэ жэлэй түрүүшын арбан үдэртэ ажал бэдэрһэн тухайгаа 8%-нь 50-һаа дээшэ наһатай гээд тэмдэглэлтэй.
Фото: pixabay.com
