497
2020 оной ноябрь һарада эстрадна дуунай хүүгэдэй «Наранай туяа – лучики солнца» мүрысөөндэ Загарайн аймагай Нижние Тальцы нютагай 14-тэй Дарья Губенина түрүүлээ. Үндэр амжалта туйлаһан басаганда кубок болон мүнгэн бэлэг барюулхаһаа гадна, клип буулгаха үнэмшэлгэ бэлэглээ.
Дашада «Это твой мир» гэһэн дуун зорюута бэшэгдээ. Клип байгуулгада Буряадай мэдээжэ хүгжэмшэд хабаадалсаа. Тодорхойлбол, шэнэ дуунай хүгжэмэй автор, хүгжэм найруулагша, дуушан, аранжировщик, продюсер, мэдээжэ «Luxor» бүлгэм байгуулагшадай нэгэн Алагуй Егоров, шэнэ дуунай үгэнүүдэй автор, мэдээжэ олон дуунуудай автор, «Третий регион» бүлгэмэй дуушан Виктор Паньков, клипэй найруулагша -«ArtMasters» гэһэн зохёохы шэглэлэй үндэһэтэнэй нээмэл чемпионадай һанамжаар гүрэнэй эрхим клипмейкер Роман Шагланов, бэлигтэй оператор Алдар Загдаев гэгшэд болоно. Тиихэдэ «Байкал идель» хатарай һургуулиин басагад хабаадалсаа. Бэлигтэй эдэ зониие «Наранай туяа» мүрысөөнэй» залан хүтэлбэрилэгшэ, Буряадай габьяата артистка Мэдэгма Доржиева хүтэлбэрилөө.
Даша олон үүргэтэ мэдээсэлэй соёлой-сүлөө сагаа үнгэргэлгын «Талецкий» түбтэ Наталья Юрьевагай хэшээлнүүдтэ ябадаг.
2020 ондо «Наранай туяа» гэһэн эстрадна дуунай хүүгэдэй мүрысөөн онлайн-аргаар үнгэрөө гээд тэмдэглэлтэй. Тус хэмжээ ябуулгада буряаадй 18 аймагуудай, Улаан-Үдын, Үбэр Байгалай хизаарай болон Хакас Уласай эдир дуушад хабаадаа. Мүрысөө эмхидхэн байгуулагшад – Буряад Уласай соёлой яаман, эмхидхэгшэд – арадай уран бүтээлэй уласай түб.
«Наранай Туяа» мүрысөөнэй гала-концерт «РЦНТ Бурятия» ютуб-каналда харахаар.
Фото: РЦНТ
