317
Буряад Уласай Толгойлогшо Алексей Цыденов январиин 20-до Соёл болон мүнөө үеын уралиг хүгжөөхэ түбэй эдэбхитэдтэй уулзаһан байна. Соёлой һалбариин залуу хүдэлмэрилэгшэд уласай хүтэлбэрилэгшэдэ өөһэдынгөө түсэлнүүдые харуулһан байна.
«Соёл болон мүнөө үеын уралиг хүгжөөхэ түб» гэһэн бэеэ дааһан худалдаанай бэшэ эмхи 2020 оной октябрь һарада байгуулагдаа. Зохёохы шэнэ түсэлнүүдэй оршон байгуулха зорилготой юм. Тиихэдэ бэлигтэй залуушуулые элирүүлхэ гээшэ шухала зорилгонуудай нэгэн болоно.
Түбэй ажалаа ябуулха байшан Коммунистическая,19 гудамжада элирүүлэгдээ. 2021 ондо түбэй талмайда соёлой эмхинүүд хэмжээ ябуулгануудые үнгэргэхэ гэжэ түсэблэгдэнхэй. Буряад Уласай байгуулагдаһаар 100 жэлэй ойдо бэлэдхэлэй хэмжээндэ «Уран дархан» гэһэн фестиваль эмхидхэгдэхэ. «Типомания» фестивалиин хэмжээндэ лекцинүүдые үнгэргэхэ гэжэ түсэблэгдэнэ.
Тиихэдэ шэнэ түбтэ мастер-классууд, лекцинүүд үнгэргэгдэхөөр хараалагдана. Гэхэтэй хамта, түбэй ябуулха ажалай шухала асуудалнуудай нэгэн хадаа буряад хэлэ сахин хамгаалга болон хүгжөөлгэ болохо юм.
Источник: Буряад Уласай Засагай газарай мэдээсэлэй албан
Фото: Буряад Уласай Засагай газар
