753
Буряад драмын театр харагшадтаа үшөө нэгэ зүжэг бэлдэбэ. Вербатим жанртай «Корея 03» гэһэн шэнэ зүжэгтэ 14 зүжэгшэд хабаадана. Үнэхөөрөө Солонгос гүрэнөөр ябаһан, хүдэлһэн хүнүүдтэй хэгдэһэн интервьюдэ үндэһэлэн, баримтата зүжэг табигдаа.
Холын гүрэндэ хүнгэн бэшэ ажал, ажабайдал тухай зүжэгтэ хэлэгдэнэ. Ехэнхи ушартаа хари гүрэндэ ажаһууха эрхэгүйгөөр ошоһон нютагаархиднай ажабайдалаа түхеэржэ шадана гү? Һайн ажабайдалһаа түрэлхидөө, гэр бүлэеэ орхижо ошоха аал?
Эдэ бүгэдэ асуудалнуудта харюу олдоо гү гэжэ январиин 30, 31-эй үдэрнүүдтэ харагшад хараха аргатай.
Фото: Анна Огородник
