569
Буряадай Түнхэнэй аймагта Этномоодын театр олониитын ажал ябуулагша Эрдэни Тусановай хүтэлбэри доро урагшатай хүдэлжэ эхилбэ
- Сагаан һарын һайндэртэ Эрдэни Туманов гайхуулаа. Хэрэндэ Эрдэни Тумановай моодын театр гэжэ гү? Би һүрдөөб. Ямар олон һалбариин бэлигтэй, тэрэ дороо даруухан зантай гээшэб?, - гэжэ Түнхэнэй аймагай захиргаанай пресс-секретарь Доро Хамаганова бэшэнэ.
Дора Хамагановагай хэлэһээр, Эрдэни Туманов эхэнэрэй болон эрэшүүлэй үндэһэн хубсаһа өөрөө зохёоно. Бэлигтэй хүбүүн мэргэжэлээрээ буряад хэлэнэй багша, түрэл аймагтаа хүдэлхэеэ бусаһан юм. Тэрэ хүүгэдэй сэсэрлигтэ хүмүүжүүлэгшээр хүдэлдэг. Өөрынгөө байгуулһан театртаа тэрэ буряад хэлэ заажа, ритмикын хэшээлнүүдые үгэдэг, гэрэй эд бараа дархалдаг, үхибүүн бүхэнэй бэлиг талаан элирүүлхэ, хүгжөөхэ талаар ажал ябуулдаг. Эдэ бүгэдэдэ тэрэ өөрөө һураһан юм. Өөрөө юумэ хэжэ һураһан хүн эрдэм мэдэсэеэ саашань дамжуулжа шададаггүй гэжэ хэлсэдэг ааб даа. Теэд энээнтэй зүбшэхэгүй Эрдэни Туманов эрдэм мэдэсэеэ,бэлиг талаангаа дүүрэн хэрэглэжэ, һонирхолтой бүтээлнүүдые зохёон, багшанарайшье, түрэлхидэйшье хүндэдэ хүртэнхэй.
Фото: Дора Хамаганова
