​Буряадай Хориин аймагта нохойнуудые тэжээхэ талаар шалгалтанууд үнгэргэгдөө

Байгша оной эхилһэн сагһаа хойшо Хориин аймагай ветеринарна албанай мэргэжэлтэд 916 айлаар ябажа, гэрэй нохойнууд шалгаһан байна. Тэдэнэр 2090 нохой бүридхэлдэ оруулжа, һэргылэмжын тарилга хээ.

Шалгалтын дүнгүүдээр захиргаанай 13 протокол абтаһан байна.

Нохойнуудай хоройн газаагуур гүйжэ, хүнүүдтэ добтолжо, зуугаа һаань, ажаһуугшад яла түлэхэ:

- эрхэтэд – 3 мянганһаа 5 мянган түхэриг хүрэтэр;

- тушаалта нюурнууд – 10 мянганһаа 50 мянган түхэриг хүрэтэр;

- юридическэ нюурнууд – 50 мянганһаа 100 мянган түхэриг хүрэтэр.

Нохойнуудаа саг соонь бүридхэлдэ оруулаагүй һаа, баһал яла түлэгдэхэ:

- эрхэтэд – 3 мянганһаа 5 мянган түхэриг хүрэтэр;

- тушаалта нюурнууд – 5 мянганһаа 10 мянган түхэриг хүрэтэр;

- юридическэ нюурнууд – 10 мянганһаа 20 мянган түхэриг хүрэтэр.