​Хабарые угталгын һайндэр Буряад Уласта хоёр үдэр тэмдэглэгдэхэ

Хабарые угталгын һайндэр Буряад Уласта анха түрүүшынхиеэ хоёр үдэрэй туршада эмхидхэгдэхэ. Хүйтэн үбэлөө үдэшэһэн «Как на масленой неделе» гэһэн наада мартын 13-да үдэрэй 13 сагһаа Улаан-Үдын «Соёлой хотын түб» эмхидхэхэ. Харагшад ород арадай һайндэрэй ёһо заншалнуудтай танилсахаһаа гадна, хүүхэлдэйн театрай наада хаража, арадай наадануудта хабаадаха аргатай. Байгуулагдаһаар 10 жэлэйнгээ ойн баяр угтажа байһан «Верхнеудинская слобода» гэһэн арадай фольклорно ансамбль сугларагшадые баясуулха.

Мартын 14-дэ үдэрэй 13 сагһаа «Ух ты, Масленица!» гэһэн программа олоной һонорто дурадхагдаха.

Тодорхой мэдээсэл 31-30-20, 33-25-10, 44-33-10 гэһэн утаһануудаар абажа болохо.