​Санкт-Петербургын Гунзэчойнэй дасан буддын шажанай эгээл һайхан 20 дасануудай тоодо

Бүхы дэлхэйдэ мэдээжэ National Geographic гэһэн медиа албанда бүхы дэлхэйн эгээл һайхан буддын шажанай 20 дасанууд элирүүлэгдээ. Тэрэ тоодо Санкт-Петербургын Гунзэчойнэй дасан оруулагдаа.

Тиихэдэ Ангкор-Ват, Боробудур, Копан, Махабодхи субарга болон хүн түрэлтэнэй баялиг болоһон мүргэлэй шүтөөнүүд энэ бүридэлдэ оруулагданхай.

Дэлхэйн эгээл һайхан дасануудай гэрэл зурагуудһаа гадна танилсулгын мэдээсэл үгтэнхэй.