​Буддын шажанай дасануудта зорюулагдаһан үзэсхэлэн Буряадай түүхын музейдэ дэлгэгдэхэ

М. Н. Хангаловай нэрэмжэтэ түүхын музейдэ I дүгээр Бандида Хамба лама Д.Д. Заяевай түрэһөөр 310 жэлэй ойдо, Тамчын дасанай 280 жэлэй ойдо, Янгаажанай дасанай байгуулагдаһаар 190 жэлэй ойдо зорюулагдаһан үзэсхэлэн мартын 31-һээ дэлгэгдэхэ.

Харагшад дасанай архитектура, архивай дансануудые, гэрэл зурагуудые, I дүгээр Бандида Хамба лама Д.Д. Заяевай хубиин хэрэгсэлнүүд болон шүтөөнэй хэрэгсэлнүүдые хараха аргатай.

Үзэсхэлэндэ ламанартай уулзалганууд эмхидхэгдэхэ. Мартын 31-дэ Тамчын дасанай шэрээтэ лама Солбон Аюшеевтэй уулзалга үнгэрхэ. Тэрэ Тамчын дасанай түүхэ тухай хөөрэхэ.