​Буряадта ажаһуудаг арадуудай гэрэл зурагууд Парижда харуулагдаха

Мэдээжэ гэрэл зураг буулгагша, аяншалагша Александр Химушин өөрынгөө фото зурагуудай "Мир в лицах" гэһэн түсэл бэлдэнэ. Гэрэл зурагуудай үзэсхэлэн Париж хотодохи ЮНЕСКО эмхиин шатб квартирада дэлгэгдэхэ. Дэлгэгдэһэн томо хэмжээнэй 170 гэрэл зурагуудай дунда Буряадта ажаһуудаг арадуудай дүрэ зурагууд оронхой.

Александр Химушин олон жэлэй туршада «Мир в лицах» гэһэн түсэлөөр ажал ябуулна. Тэрэ дэлхэйн эгээл холо оршодог булангуудта хүрэжэ, тэндэ ажаһуудаг арадуудые үндэһэн хубсаһатайнь буулгана. Тиихэдэ гэрэл зураг буулгагша аяншалгын маршрудаар ябадаггүй, автостопоор ябадаг гээд тэмдэглэлтэй. Александр Химушинай гэрэл зурагуудай суглуулбарида Африка, Азиин, Номгон далайн олтирогуудта ажаһуудаг арадууд бии. Аяншалагшын тэмдэглэһээр, Сибириин ажаһуугшадта ажалайнь диилэнхи хуби зорюулагданхай.

- Буряадта буулгагдаһан гэрэл зурагууд онсо һуури эзэлхэ. Ородой можо нютагууд соо Буряадта эгээл дуратайб, тэндэ ехэ ажал хээб. Үзэсхэлэндэ дэлгэхэ гэжэ улас дотор хэгдэһэн эгээл дуратай гэрэл зурагуудаа шэлэн абааб. Тэдэ зурагууд интернедэй аргаар бүхы дэлхэйгээр харуулагдаа, олон гүрэнүүдтэ толилогдоо. Эдэнэй зариманиинь Нью-Йоркдо ООН-ой штаб квартирада минии үзэсхэлэндэ дэлгэгдээ, зариманиинь түрүүшынхиеэ харуулагдаха, - гэжэ Александр Химушин хэлэбэ.

Буряадта буулгаһан 10 гэрэл зураг үзэсхэлэндэ дэлгэгдэхээр хараалагдана. Тэдэнэй дунда буряадуудай, Загарайн аймагай шэмээшэг эхэнэрэй, Бабантын аймагай эвенк бөө Светлана Воронинагай дүрэ зурагууд. Эдэнэй ехэнхинь Буряад Уласта 2015 ондо буулгагдаһан байна.