Буряад хэлэн дээрэ хэблэгдэхэ номууд тодороо

Буряад Уласай Соёлой яаман буряад хэлэн дээрэ хэблэлдэ гараха зохёолнуудые шэлэн абалгын харалга үнгэргэбэ.

«Уран зохеолой юртэмсэ» гэһэн харалганай шүүгшэд дурадхагдаһан зохёолнуудые хаража, иимэ дүн гаргаба:

- «Уран үгын шэди» («Проза») номинацида Галина Хандуевна Базаржапова «Зерда»,  Сергей Далаевич Доржиев «Сарюухан сагаан сахюусамни», Норпол Очиров «Олзо хүбүүн» шэлэгдээ.

- «Жэгүүртэ үгэ» («Поэзия») номинацида Ардан Лопсонович Ангархаев «Уула хадын уянга»,  Цырендулма Батоевна Дагбаева «Түгнын талын аялга» гэгшэд.

- «Багашуулда» («Издания для детей»)  номинацида  Анна Ивановна Виноградова «Анга – капля с неба»,  Амгалан Аюшеевна Доржиева «Жэлэй дүрбэн саг» («Времена года»).

 - «Уран үгын оршуулга» (художественный перевод) номинацида Михаил Батоинай пьесэнүүдэй «Хун шубуун эхэ» суглуулбари.

 - «Заншалаа сахин һэргээе» («Возрождение традиций и обрядов. Историко-краеведческая литература») номинацида Юрий Ирдынеевэй бүтээл.

Амжалта туйлагшадые амаршалжа, шэнэ номуудай нара харахыень хүлеэн байхабди.