​​Буряад онтохонуудай суглуулбари Үбэр Байгалай хизаарта хэблэгдээ

Үбэр Байгалай хизаарта хэблэгдэһэн буряад онтохонуудай суглуулбаритай танилсуулга Пушкинай нэрэмжэтэ номой санда үнгэргэгдэбэ.  Буряадуудай Үбэр Байгалай олониитын эмхи юрэнхылэгшын грант шүүжэ,  тэрэнэй хэмжээндэ 1000 хэһэгээр ород, буряад хэлэн дээрэ ном хэблэгдээ.

- Уран зохёолой «Через сказки - к языку» гэһэн мүрысөө үнгэргөөбди. Үбэр Байгалай хизаарай уран зохёолшод, ирагуу найрагшадһаа бүридэһэн жюри мүрысөөндэ ороһон 22 зохёолнуудһаа юһые шэлэжэ, тэдэ суглуулбарида оруулагдаа, - гэжэ буряадуудай олониитын эмхидэ хэлэбэ.

Энэ номой эрхилэгшэ Виктор Балдоржиев болоно. «Буряад зураг» маягаар зурадаг Намжилма Эрдынеевагай бүтээлнүүдээр ном шэмэглэгдээ. Цындыма Бабуевагай, Светлана Дамдинжаповагай, Цындыма Жалсаповагай, Валентина Лыгденовагай, Доржи Бадмаевай болон эдир бэшэгшэ, һургуулиин шаби Артем Плюхинай зохёолнууд суглуулбарида оруулагдаа.