​Улаан-Үдын соёл уралигай хүүгэдэй һургуули Ород гүрэн дотор эрхимлээ

С.С. Манжигеевэй нэрэмжэтэ соёл уралигай хүүгэдэй 13-дахи һургуули «Ородой Холбоото Уласай болбосоролой һалбариин эрхим эмхи» гэһэн Үндэһэтэнэй бүхэроссиин шангай лауреадай нэрэ зэргэдэ хүртөө.

Зохёохы, хүмүүжүүлхы ажал эмхидхэхэ талаар амжалта туйлаһанай түлөө, ургажа ябаһан үхибүдые хүмүүжүүлгэдэ педагогическа методикануудые ашаг үрэтэйгөөр хэрэглэһэнэй түлөө болбосоролой эмхи үндэр амжалта туйлаа. Тиихэдэ үхибүүдэй сэдьхэлэй, оюун ухаанай хүмүүжүүлгэдэ горитой хубитаяа оруулһаниинь тэмдэглэгдээ.