504
Март һарада Буряад Уласта можо хоорондын «Хуурайм наадан» гэһэн фестиваль-мүрысөөн үнгэргэгдөө. Дуушад, хүгжэм найруулагшад болон буряад арадай хүгжэмэй зэмсэгүүдые бүтээгшэдэй зохёохы мүрысөөндэ 50-һаа дээшэ мэдүүлгэ ороһон байна.
Мүрысөөндэ илагшадые шагнаха ёһолол Х. Намсараевай нэрэмжэтэ Буряад драмын театра үнгэрөө. Буряад Уласай соёлой сайдай орлогшо Леонид Будаев, Ородой Холбоото Уласай Буддын шажантанай заншалта Сангхын Дид Хамба лама Очиров Дагба лама болон жюриин гэшүүд шангуудые барюулаа.
Тиигэжэ жюриин гэшүүдэй «Найдал» гэһэн тусхай шан Улаан-Үдын Тимур Найдановта (хүтэлбэрилэгшэнь - Нямдорж Нацагдорж) барюулагдаа.
Буддын шажантанай заншалта Сангха «Сууха хуураар эрхим наадагша» гэһэн шан байгуулжа, тэрэ шан Эрдэм Дымбрыловтэ барюулагдаа.
Олониитын ажал ябуулагша Виндарья Доржиева хабаадагшадта гурбан шан байгуулаа.
«Буряад арадай хүгжэмэй зэмсэг суур дээрэ эрхим наадагша» гэһэн шанда П.И. Чайковскийн нэрэмжэтэ соёл уралигай колледжын оюутан Милана Садуллаева (уран һайханай хүтэлбэрилэгшэ – Виктория Ринчинова, концертмейстер - Анна Копылова) хүртөө. Бэлигтэй басаганда 20 мянган түхэригэй шан барюулагдаа.
Буряад арадай хүгжэмэй зэмсэг суур дээрэ эрхим наадагша» гэһэн шан (20 мянган түхэриг) Сэлмэг Ангаевада (уран һайханай хүтэлбэрилэгшэ – Виктория Ринчинова, концертмейстер - Анна Копылова) гардуулаа.
«Буряад арадай хүгжэмэй зэмсэг суур дээрэ эрхим наадагша» гэһэн шанда Б. Ямпиловай нэрэмжэтэ хүүгэдэй уралигай һургуулиин шаби Дари Будаевада (уран һайханай хүтэлбэрилэгшэ – Виктория Ринчинова, концертмейстер - Анна Копылова) хүртөө. Дари Будаевада 10 мянган түхэриг барюулагдаа.
«Хуурайм наадан» мүрысөөнэй илагшадай хабаадалгатай гала-концерт smotriefir.ru. талмайда харахаар.
«Хуурайм наадан» гэһэн фестиваль-мүрысөөн тухай тодорхой мэдээсэл - эндэ.
Фото: egov-buryatia.ru
