552
Буряад Уласай Хурамхаанай аймагта «Театрай нуга» гэжэ нэрлэгдэһэн фестиваль энэ жэл 34-дэхиеэ үнгэргэгдэхэнь. Байгша ондо болохо хэмжээн Барагханай арадай театрай анхан байгуулагдаһаар 85 жэлэй болон Гааргын арадай театрай 65 жэлэй ойн баярнуудта зорюулагдахань.
Анха түрүүшынхиеэ энэ фестиваль 1987 ондо эмхидхэгдэһэн түүхэтэй. Хэдэн үдэрэй туршада арадай театрнууд олоной үзэмжэдэ зүжэгүүдые харуулжа, артистнарынь талаан бэлигтэй байһанаа гэршэлдэг.
Мүнөө Хурамхаанай аймагта арадай нэрэ зэргэтэй 6 театр ажалаа ябуулна. Тэдэнэр саг болоод лэ ехэ амжалтатайгаар «Арадай театр» гэһэн нэрэ зэргэеэ хамгаалжа, нютагаархидаа олон тоото зүжэг наадаараа баярлуулдаг зандаа.
Фото: pixabay.com
