​Гүльмэхэн

КОЛЬСКО-СААМСКА ХЭЛЭН

Гүльмэхэн            Екатерина КОРКИНА

Гүльмэ, гүльмэ, гүльмэхэн

Гэр бүлымнай туһамаршан.

Гүрөөд һайса шамаяа

Далайда абаашабаб.

Гүльмэхэнөөрөө загаһа

Губшуурдаад барихаб.

Николай Голин оршуулаа

Боргооһод

Боориин саанаһаа

Боргооһод ниидэн ерээ.

Һуурин хотонуудта

Һиинан, гонгинон ерээ.

Хамаг зониие

Хазажа зобоохонь лэ.

Ород хэлэндэ Александр Миланов оршуулаа

Өөрһөө зохёон...                    Мария МЕДВЕДЕВА

Абамни уран гартай байһан. Онгосо, шарга, һүхын эшэ, оро хандагайн тоног - хуу хэхэ.

Зугааша һэн. Уһан дээрэ үрмэ тогтотор хөөрэхэ. Тойроод зоной гайхалаа баража һуутарынь, хуу өөрһөө зохёон хэлэһэн гэжэ элирхэ. Энээниие ойлгоод, хүнүүд энеэлдэхэ, хүхихэ.

Үдэшэлэн эжы хэлэхэ:

- Элдэб юумэ хөөрэжэ, зониие яахынь энеэлгэнэш.

- Хүн энеэхэдээ, муу юумэ мартадаг, сэдьхэлдэнь хүнгэн болодог. Һайн бэшэ гү?

Эжы зүбшөөжэ, дуугай болошодог һэн.

Ород хэлэндэ Надежда Большакова оршуулаа