​Буряадай Үндэһэтэнэй музей «Ночь музеев» гэһэн хэмжээ ябуулгада урина

Майн 15-да Буряадай Үндэһэтэнэй музей Улаан-Үдын ажаһуугшад болон айлшадые заншалта болоһон «Ночь музеев» гэһэн хэмжээ ябуулгада урина. Тус акци эрдэмэй болон технологинуудай жэлэй хэмжээндэ эмхидхэгдэхэ.

Ц.С. Сампиловай нэрэмжэтэ Уран һайханай музей, М. Н. Хангаловай нэрэмжэтэ Буряадай түүхын музей болон Буряадай байгаалиин музей нэгэ талмайда сугларжа, «Наука и искусство» гэһэн гаршагтай программатай танилсуулха.

Тиихэдэ Сэлэнгын аймагай Новоселенгинскэ музей баһал һонирхолтой программа бэлдэнэ гээд тэмдэглэлтэй.

Хэмжээ ябуулгада харагшад наһанай хизааралалтагүйгөөр,100 түхэриг түлэжэ, орохо аргатай.

«Ночь в музее» гэһэн акци тухай мэдээсэл 21-44-88, 21-43-93, 21-40-08, 21-77-23 гэһэн утаһануудаар гү, али muzeyrb.ru сайтда абахаар. Хэмжээ ябуулгын программатай эндэ танилсагты.