657
Эдэ үдэрнүүдтэ Буряад Уласта «Буряадай нэгэ үдэр» харалган эмхидхэгдэжэ, Мухар-Шэбэрэй, Бэшүүрэй, Хурамхаанай, Хориин, Баргажанай, Хэжэнгын, Хяагтын, Түнхэнэй, Сэлэнгын, Зэдын, Яруунын, Захааминай, Кабанскын аймагуудай болон Улаан-Үдын бүлгэмүүд хабаадаба.
Тиигэжэ Захааминай аймагай түлөөлэгшэд Гран-при шанда хүртэбэ. Ансамблиие олон жэлдэ ехэ эрхимээр Хорло Базаровна Цыденова хүтэлбэрилжэ, олон үндэр амжалтануудые туйладаг гэжэ хэлэлтэй.
Энэ урилдаанда 1-дэхи шатын дипломоор Кабанскын аймагай «Худари», Бэшүүрэй аймагай «Жаргал» гэһэн арадай ансамбльнууд шагнагдаа.
Шангай хоёрдохи шатын дипломууд Зэдын аймагай “Дэбэсэнэб”, Хэжэнгын аймагай “Баян Сумбэр” гэһэн уран һайханай бүлгэмүүдтэ барюулагдаа.
Гурбадахи шанда Улаан-Үдэ хотын “Тоонто”, Сэлэнгын аймагай түрүү “Тунгалаг” гэһэн арадай, дуу хатарай ансамбльнууд хүртэбэ.
Уласай уран бэлигтэйшүүлэй түбэй «Наран гоохон» гэһэн ансамбльда «Ёһо заншалаа сахигша» гэһэн тусхай диплом гардуулагдаа. Тиихэдэ «Түрүүшын амжалта» гэһэн тусхай шагналаар Буряадай ниислэл хотын «Баргуужан» гэһэн ансамбль урмашуулагдаа.
Харалганда хабаадагшад энэ удаа олониие баярлуулжа, түрэл арадайнгаа түүхэ, соёл болбосорол, ёһо заншал нангинаар сахижа, улам саашань дамжуулжа байһанаа тодоор гэршэлээ", - гээд жюри онсолоо.
Захааминай бэлигтэйшүүлдэ саашадань амжалта хүсэе.
Фото: egov-buryatia.ru/minkult
