Музей соо хоножо үзөөһэн гүт?

Энэ үдэр 2738 хүн музей ерэжэ, олон тоодо хэмжээнүүдтэ хабаадалсаба.Ород Улас дотор 2021 он Эрдэм ухаанай болон технологиин жэл гэжэ  соносхогдоһон гээд һануулая. Тиимэһээ амаралтын үдэр болоһон үйлэ хэрэгтэ ехэ һонин талмайнууд ажаллаа.
«Кванториум» гэһэн хүүгэдэй технопарк шэнэ техническэ аргаар бүтээгдэһэн  зүйлнүүдэй үзэмжэ дэлгээ. Эдиршүүл өөһэдөө зохид хэрэгсэлнүүдые мэргэжэлтэдэй туһаламжаар бүтээжэ һураа.  VR-технологиин ашаар Бүхэдэлхэйн мэдээжэ музейнүүдтэ онлайн аргаар айлшалаа.
Олоной анхарал бүд үйлэдбэрилгэ татаа. Урда сагай сэрэгшэдэй тоног зэбсэг өөһэдынгөө гараар дуратайшуул бүтээгээ.  Буряадай гүрэнэй хүдөө ажахын академиин музей амитадай араг яһаар бүтээгдэһэн экспонануудые асаржа, хүүгэдэйшье, томошуулайшье анхарал татаба.
Түнхэнэй паркын мэргэжэлтэд аймагайнгаа буряадуудай соёл болбосоролдо зорюулагдаһан үзэмжэ дэлгээгээ.

Мүнөөдэр «Байгал далайн урда нютагуудта ажаһуугшадай заншалта хубсаһан» гэжэ нэрлэгдэһэн выставкэ нээгдэбэ. Хори, сонгол, сартуул, хонгоодор, эхирит, булагад угай буряадуудай урда сагта үмдэжэ байһан хубсаһа хунар, ажабайдалай эд бараан дэлгээгдэбэ. Үшөө тиихэдэ, шэмээшэгүүдэй һайндэрнүүдэй үедэ үмдэдэг гоё хубсаһан олоной һонирхол татаха гээд музейн хүдэлмэрилэгшэд хэлэнэ.
Саг болоод лэ Үбэр Байгалай музейдэ олон тоото һонирхолтой хэмжээнүүд эмхидхэгдэжэ, амаралтынгаа үдэрнүүдые олон зон ехэ зохидоор үнгэргэдэг болонхой.