​Буряад Уласта «Сансарын хүрдын эрьеэн соо» гэһэн ном хэблэгдээ

Хэжэнгын аймагай Чисаанын дунда hургуулида зааhан багша Доржима Жанчипдоржиевна Бодиевагай «Сансарын хүрдын эрьеэн соо» гэhэн номтой танилсалга Буряад Уласай Үндэhэтэнэй номой санда үнгэрбэ. Энэ ном соогоо автор нютагайнгаа зоной ажабайдал, буддын шажанда хабаатай асуудалнууд, мүн тиихэдэ нютагайнгаа мэдээжэ ламанар тухай, нүгэл ба буянай саашанхи үүргэ тухай дэлгэрэнгыгээр хизаар ороноо hонирходог зондо, тиихэдэ юрэ үргэн уншагшадта дурадхаба.

Тус хэмжээ ябуулгада аймагай засаг дарга Лхасаранов Г.З., мүн тиихэдэ Бадмаев Б.Б., Эрдынеева И.И., Башенхаева В.Н., Чисаанын hомоной толгойлогшо Галданов Ч-Д. Б.болон бусад хабаадалсаа. Автор үнэн зурхэнhөө номдо хэблэхэдэнь, туhа хүргэhэн нютагайнгаа зондо баяр талархалаа мэдүүлээ.                         

Номой автор Доржима Жанчипдоржиевна "За значительный вклад в развитие образования" гэhэн медаляар Буряад Уласай болбосоролой болон эрдэм ухаанай яаманhаа шагналда хүртөө. Мүн энэл хайра шагналда - медальда энэл hургуулиин багша  Дамба Дашинимаевич Дарибазаров хүртэбэ.