​«Буряад уран зохёол суг уншая» гэһэн можо хоорондын акци Буряадта эхилбэ

Байгша оной март һарада Агын Буряадай тойрогой захиргаан Үбэр Байгалай соёлой болон болбосоролой яамануудтай хамта «Буряад уран зохёол суг уншая» гэһэг можо хоорондын хэмжээ ябуулга эхилһэн байна. Тус хэмжээ ябуулга Агаһаа гарбалтай уран зохёолшод болон ирагуу найрагшадай тэбхэр ойдо зорюулагдаа. Нэрлэбэл, Цыдып Жамбалов (90 наһанай ойдо), Гарма-Доди Дамбаев (80), Даширабдан Батожабай (100), Жамсо Тумунов (105), Балдан Санжин (110), Цыбен Жамцарано (140). Тус хэмжээ ябуулга 2021 оной мартын 1-ээ ноябриин 1 болотор үнгэргэгдэхэ.

Буряад Уласай Үндэһэтэнэй номой сан #Читаембурятскуюклассикувместе гэһэн хэмжээ ябуулгада оролсобо. Буулгабаринуудые хаража, хэмжээ ябуулгада оролсыт гэжэ Буряадай ажаһуугшадые уряална.

Цыдып Жамбаловай шүлэгүүдые Буряад Уласай арадай зүжэгшэд Дарима Лубсанова, Надежда Мунконова, Жажан Динганорбоева, Буряад Уласай габьяата зүжэгшэн Галина Галсанова болон Х.Намсараевай нэрэмжэтэ Буряад драмын театрай зүжэгшэн Зорикто Цыбендоржиев уншана.

Мүрысөөнэй дүримтэй эндэ танилсагты.

https://youtu.be/aXu7PKGqfoM “Залиршагүй наран, нугаршагүй хүн”

https://youtu.be/Smq3FFa_LmI  “Эхэ тухай баглаа бадагууд”

https://youtu.be/PoJ3q_86vxo "Намарай зурагууд"