​Монголой “Вены мира” гэһэн кино Францида харуулагдана

Режиссёр Д.Бямбасурэнэй "Veins of the World" (“Вены мира”) гэһэн кино Франциин кинотеатрнуудта харуулагдажа эхилээ. «Вены мира» гэһэн кино анха түрүүшынхиеэ үнгэрһэн жэлдэ Берлинэй кинофестивальда олоной һонорто дурадхагдаа. Кинофестивалиин нээгдэһэн сагһаа хойшо энэ кино хүнүүдэй анхарал татажа, харагшадай үндэр сэгнэлтэдэ хүртэһэн байна. Энэ кино уласхоорондын “FIFDH” кинофестивалиин хоёр шанда хүртэжэ, Канадын уласхоорондын “Reel 2 Real” гэһэн кинофестивалиин «Лучшая картина» гэһэн номинацида шагнагдаа.

Гол рольнуудые энэ фильм дотор Н.Ялалт, Т.Энэрэл, Б.Бат-Ирээдүй, Б.Алгирчамин, С.Ариунбямба гэгшэд гүйсэдхөө. Энэ фильмдэ ашагта малтамалнуудые олзоборилдог уласхоорондын коомпанинууд оршон тойрон байгаалида, нүүдэлшэ монгол арадта хохидол ушаруулна гэжэ 11-тэй Амраа хүбүүн ойлгоно. Амраа хүбүүнэй эсэгэ Эрдэнэ эрэлхэг зоригтойгоор эдэ компанинуудтай тэмсэһэн һүүлшын хүн болоно. Эсэгынгээ һүүлээр 11-тэй хүбүүн зориг орожо, абынгаа хэрэг үргэлжэлүүлнэ.