Бүхэроссиин мүрысөөндэ «Байгал» театрай хатаршан дипломантын нэрэ зэргэдэ хүртөө

Июниин 20-до Ярославль хотодо хатаршадай бүхэроссиин мүрысөөн түгэсөө. Энэ хэмжээ ябуулгада Ородой Холбоото Уласай 25 хотонуудай 160 хатаршад ороолсоо. Тэдэнэй дунда «Байгал» театрай хатаршан Арюна Цыдыпова дүрбэн номер харуулжа, «Народно-сценический танец» гэһэн номинацида дипломантын нэрэ зэргэдэ хүртөө.

Хатарай бүхэроссиин мүрысөөн гурбан шатада үнгэрөө. Түрүүшын шата зоочноор үнгэрөө, хабаадагшад буулгабаринуудые эльгээһэн байна. 2-дохи, 3-дахи шатанууд Ярославль хотын «Миллениум» түбтэ үнгэрөө.

Жюриин гэшүүдэй тоодо дуу, хатарай «Байгал» театрай уран һайханай хүтэлбэрилэгшэ Жаргал Жалсанов оролсоһон байна.