​Буряад Уласта үндэһэн оперо байгуулагдаха

Буряад Уласай байгуулагдаһаар 100 жэлэй ойдо зорюулагдаһан оперо зохёохо талаар мүрысөөнэй түгэсхэлэй шатада орогшод Улаан-Үдэдэ элирүүлэгдээ.

Либретто шата гараһан найман композиторнуудай дундаһаа жюриин гэшүүд түгэсхэлэй шатада ороһон гурбан хабаадагшадые элирүүлээ.

• Демидова Елена Петровна, «Эреэхэн» оперо (либретто Дондоков Б.Б.), Новосибирск
• Дондоков Баир Бато-Дугарович, «Эреэхэн» оперо (либретто Дондоков Б.Б.), Москва
• Нестерова Светлана Владимировна, «Сказка о крыльях» оперо (либретто Куприянова В.М.), Санкт-Петербург

2021 оной октябриин 31-дэ Буряадай оперо болон баледэй театрай тайзан дээрэ тшгэсхэлэй шатада ороһон ажалнууд олондо харуулагдаха. Тиигэжэ жюриин гэшүүд илагшыень элирүүлхэ. Мүрысөөндэ илагшатай буряа үндэһэн оперо байгуулха тухай хэлсээн баталагдажа, 2023 ондо харагшадта дурадхагдаха.

«Буряадай түрүүшын үндэһэн «Энхэ-Булат баатар» оперо 1940 ондо байгуулагдаһан юм, тэрэнэй байгуулгада гүрэнэй соёлой эрхим ажаябуулагшад хабаадалсаһан юм. Энэшье удаа Ородой бүхы можо нютагуудай түлөөлэгшэдэй ажал дуратайгаар хүлеэн абахабди. Дүй дүршэл, шэнэ хараса буряадай оперо баяжуулгада нүлөлхэ гэжэ бата этигэнэбди», - гэжэ Буряад Уласай соёлой сайд Соелма Дагаева хэлэһэн байна.

Буряад Уласай байгуулагдаһаар 100 жэлэй ойдо зорюулагдаһан тус хэмжээ ябуулга Буряад Уласай соёлой яаман Буряадай оперо болон баледэй театртай суг бэлдэһэн байна. Иимэ мүрысөөн улас доторнай анха түрүүшынхиеээ үнгэргэгдэнэ гээд тэмдэглэлтэй.

Жюриин гэшүүд:

Григорий Овшиевич Корчмар, жюриин түрүүлэгшэ – Ородой композитор, пианист, Ородой Холбоото Уласай соёлой габьяата хүдэлмэрилэгшэ, А. И. Герценэй нэрэмжэтэ Ородой багшанарай институдай профессор, «Петербургская музыкальная весна» гэһэн уласхоорондын фестивалиин уран һайхайнай захирал, 2006 онһоо Санкт-Петербургын композиторнуудай зүблэлэй правлениин хүтэлбэрилэгшэ.

Георгий Георгиевич Исаакян, жюриин гэшүүн – Ородой театрльна режиссёр. Н. И. Сацай нэрэмжэтэ Москвагай гүрэнэй хүүгэдэй  хүгжэмэй ахамд режиссёр, уран һайханай хүтэлбэрилэгшэ, 2014 онһоо Хүгжэмэй театрнуудай эблэлэй президент Ассоциации Музыкальных Театров. «ВИДЕТЬ МУЗЫКУ» гэһэн хүгжэмэй театрнуудай Бүхэроссиин жэл бүриин фестивалиин болон «ЛЕГЕНДА» гэһэн шан үүсхэгшэ болон хүтэлбэрилэгшэ.

Лариса Владимировна Барыкина, жюриин гэшүүн – хүгжэмэй болон театральна шүүмжэлэгшэ, «НА ГРАНИ» гэһэн уласхоорондын фестивалиин арт-директор, «Алтан баг» гэһэн шангай жюриин гэшүүн. Театральна ажал ябуулагшадай Свердловско таһагай правлениин гэшүүн, шүүмжэлгын секциин түрүүлэгшэ, Ородой Холбоото Уласай композиторнуудай зүблэлэй правлениин гэшүүн, Театральна ажал ябуулагшадай дэргэдэ театральна шүүмжэлэлгын һургуулиин хүтэлбэрилэгшэ.

Георгий Владимирович Албегов, жюриин гэшүүн – Буряадай гүрэнэй оперо болон баледэй театрай ахамад дирижёр, Санкт-Петербургын консерватори дүүргэгшэ.