​Буряад киногой үдэрнүүд Москва хотодо үнгэргэгдэхэ

Ородой Холбоото Уласай дэргэдэхи Буряад Уласай бүрин эрхэтэй түлөөлгын газар Москва хотодой буряад киногой үдэрнүүдые үнгэргэхэ.

«Буряадай кинематографистнуудай эблэлэй» түрүүлэгшэ Артем Бурлов МК в Бинтервью үгэхэдөө, фестиваль ноябриин 11-дэ эхилхэ гэжэ хэлэһэн байна. Тус хэмжээ ябуулгада Ородой Холбоото Уласай соёлой сайд Ольга Любимова, кинорежиссер Никита Михалков болон соёлой, кинематографиин һалбарида мэдээжэ хүнүүд уригданхай.

- Кинофестивальда буряад шэнэ фильмүүд харуулагдаха, тэрэ тоодо, режиссёр Юрий Ботоевой «Золото империи», Евгений Цинэй шог ёгто  «Би – русский» олондо дурадхагдаха.