​Буряад драмын театр Крымдэ үнгэрхэ фестивальда уригдаа

Байгша оной сентябриин 3-һаа 10 болотор Ородой Холбоото Уласай соёлой яаманай, Крым Уласай соёлой яаманай, ородой театрай ажаябуулагшадай дэмжэлгээр Үндэһэн театрнуудай фестиваль гурбадахияа үнгэргэгдэхэ. Санкт-Петербургын «Балтийский дом» гэһэн театр-фестиваль хэмжээ ябуулга эмхидхэнэ.

Фестивалиин хэмжээндэ Буряад театр Олег Юмовэй «Старик и море» гэһэн моноспектакль Буряад драмын театр олоной һонорто харуулха. Гол рольдо Монголой «Гэгээн Муза» гэһэн уласхоорондын театрнуудай фестивалиин «Эрэ хүнэй эрхим роль» шанда хүртэһэн Баста Цыденов гүйсэдхэхэ юм.

Дахалэ Жамбалов буряадай хүгжэмэй зэбсэг дээрэ наадажа, спектакль шэмэглэхэ.

“Крымэй театральна намар» гэһэн фестивальда  зохёохы 8 бүлэг хабаадаха.

Наһанай хизаарлалта 12+ 

.