817
Буряадай Түүхын музейдэ Даширабдан Батожабайн 100 жэлэй ойдо дашарамдуулан, «Крылья орла» гэһэн үзэсхэлэн дэлгэгдээ. СССР-эй уран зохёолшодой холбооной гэшүүн, буряад уран зохёолой классик, поэт, уран зохёолшон, драматург Даширабдан Одбоевич Батожабайн зохёолнууд бурядай литературын алтан жасада оруулагданхай.
Үзэсхэлэндэ элитэ уран зохёолшын дансанууд, гэрэл зурагууд, портредүүд, гар бэшэмэлнүүд, поэмэ болон пьесэнүүд олоной анхаралда дурадхагдаха. Ондоо хэлэндэ оршуулагдаһан Даширабдан Батожабайн зохёолнууд харагшадые һонирхуулха. Тиихэдэ уран зохёолшо рассказуудые буряад хэлэндэ оршуулдаг байһан, эдэ бүтээлнүүд баһал дэлгэгдэхэ.
Тиихэдэ «Золотой Дом», «Песня табунщика» гэһэн фильмүүд харуулагдаха. Даширабдан Батожабайн повестиин удхаар «Песня табунщика» фильмын буулгагдаһаар 65 жэл байгша ондо гүйсэбэ.
Наһанай хизаарлалтагүй.
Источник: Буряад Уласай соёлой яаман
Фото: Буряад Уласай соёлой яаман
