622
Буряадай оперо болон баледэй театрай дуушад Дина Санданова, Бат-Эрдэнэ Доржцэдэн, Дагвадорж Даваасурэн, Батчимэг Самбуу гэгшэд оперын дуушадай уласхоорондын «Vincerò» мүрысөөнэй түгэсхэлэй шатада ороһон байна. Байгша оной октябриин 29-һөө 31 болотор Неаполь хотодо тэдэнэр дэлхэйн эгээл томо 11 театрнуудай түлөөлэгшэдһөө бүридэһэн жюриин урда тэдэнэр талаан бэлигээ харуулха.
- Энэ мүрысөөнэй нэгэдэхи, хоёрдохи шатанууд пандемиһээ боложо, онлайн аргаар үнгэрөө. Тиигэбэшье бидэ ехэтэ оролдожо бэлэдхэл хээбди. Манай уласай дүрбэн хүнэй түгэсхэлэй шатада ороһондонь баяртайбди. Сибириин дуушадай иимэ мэргэжэнги байһандань Италиин арад зон гайхалаа бараа. Теэд эгээл шанга тэмсээн урдамнай, оройдоол хорин эрхим дуушад шанда хүртэхэ, - гэжэ Буряадай оперо болон баледэй театрай уран һайханай хүтэлбэрилэгшэ Дарима Линховоин хэлэбэ.
Оперын дуушадай «Vincerò» гэһэн уласхоорондын түрүүшын мүрысөөн дэлхэйдэ мэдээжэ тенор Энрико Карузын наһа бараһаар 100 жэлдэ зорюулагдаа. Энэ мүрысөөндэ хабадааха тухайгаа 50-һаа дээшэ гүрэнүүдэй 700 залуу дуушад мэдүүлһэн байна.
Источник: Буряад Уласай соёлой яаман
Фото: Буряад Уласай соёлой яаман
