​Бүхэроссиин фестивалиин гала-тоглолтодо Буряадай эдир зүжэгшэд хабадаана

Хяагтын аймагай буряад хүгжэмэй зэмсэгүүдэй «Аялга» гэһэн жэшээтэ ансамбль болон Улаан-Үдын эдир дуушан Дари Бадмаева «Звезды народного искусства» (үхибүүд) гэһэн Бүхэроссиин заочно фестивалиин лауреадууд болоһон байна. Тус хэмжээ ябуулга апрелиин 1-һээ холоһоо эмхидхэгдэжэ, гүрэнэй можо нютагуудай 176 хабаадагшадые нэгэдүүлээ. Эндэ табатайһаа 14 хүрэтэр наһатай үхибүүд «Арадай хүгжэм», «Арадай дуун», «Арадай хатар», «Заншалта соёл», «Цирк» гэһэн номинацинуудта хаба шадалаа туршаа.

Тиигэжэ лауредай нэрэ зэргэдэ 20 бүлгэмүүд болон эдир зүжэгшэд хүртөө. Мүнөө тэдэнэр Москва хотодо түгэсхэлэй тоглолтодо хабаадана.

В.Д. Поленовэй нэрэмжэтэ арадай уран бүтээлэй гүрэнэй байшанай уoutube-каналда https://clck.ru/YTTZf гэһэн хаягаар тоглолто сэхэ дамжуулагдаха.

Фестиваль байгуулагшад болон эмхидхэгшэд: Ородой Холбоото Уласай соёлой яаман, В.Д. Поленовэй нэрэмжэтэ арадай уран бүтээлэй гүрэнэй байшан.