771
Мүнөөдэр, «Уран дархан» гэһэн харалга дэлгэсэ Ц. Сампиловай нэрэмжэтэ уран һайханай музейдэ нээгдэбэ. Тэрэ Буряад Уласай Соёлой яаманай захилаар Арадай уран бэлигэй улас түрын түбэй эмхидхэһэн урилдаанай үргэлжэл болоно.
Арадай уран дархашуулые дэмжэхэ, тэдэнэй урлаһан бүтээлнүүдые олоной һонорто дурадхаха, дээрэ үеһөө дамжан ерэһэн дарханай аргануудые жэнхэни ёһоорнь үлөөхэ гэһэн зорилго эмхидхэгшэд урдаа табина.
Дархашуул урилдаанай түрүүшын шатада хабаадахын түлөө ажалнуудайнгаа дүрэнүүдые, багахан хөөрөөнүүдые дурадхаһан юм. Буряадай 17 аймагай 106 уран гартан анхандаа урилдаанда оролсохо мэдүүлгэ бариһан байгаа. Һэеы даража, элдэб бүтээлнүүдые урлаһан, модо шулуу хэрэглэжэ дархалһан ажалнууд, тиихэдэ алта мүнгэнэйшье зүйлнүүд олоной һонорто дурадхагдаа. Эдэнэй 20 бүтээл урилдаанай һүүлшын шатада хүрэжэ Үндэһэтэнэй музейдэ дэлгэгдэхэ эрхэдэ хүртэбэд.
Тус харалга дэлгэсэ декабриин 1-5 үдэрнүүдтэ нютагайхид болон айлшаднай ошожо үзэхэ аргтатайт. Нээлгын баяр ёһололһоо гэрэл зурагуудые дурадханабди.
Фото: Булат Бадмаев
