Соёлой байшангуудта-20 гаран сая

Энээн тухай тогтоол Буряадай Засагай газарай албанай сайт дээрэ хэблэгдээ. Федеральна болон республиканска һан жасануудһаа тэдхэмжэ 21 аймаг абаха. Үнгэрһэн жэлдэ соёлой 16 байшан, эдиршүүлэй урлалай 4 һургуули һэльбэн шэнэлэгдээ, модельнэ 3 номой сан байгуулагдаа, киногой хоёр танхимда мүнөө үеын хэрэгсэлнүүд ба нэгэ автоклуб абтаа. Үшөө нэгэ виртуальна тоглолтын танхим Закаменскда нээгдээ, харин Соёлой байшанда 40 һууритай автобус абтаа. Аймагай болон хүдөөгэй Соёлой байшангууд, аймагай номой сан шэнэлэгдээ. Мүн баһа Кабанскын ба Түнхэнэй аймагуудта хүдөөгэй клубууд заһабарилагдаа, автобусууд абтаа. 2017-2021 онуудта соёлой 15 объект заһабарилагдаа, тэрэ тоодо Буряад Уласай Үндэһэтэнэй номой сан һэльбэн шэнэлэгдэбэ. Улаан-Үдэдэ Д. Аюшеевэй нэрэмжэтэ хүгжэмэй-гуманитарна лицейн шэнэ байшан, Сагаан-Нуурта Соёлой хүгжэлтын түб баригдаа, Баунтын аймагай Романовкада Соёлой хүдөөгэй байшан бодхоогдоо. Гадна соёлой 56 байшан, хүүгэдэй уран һайханай һургуули һэльбэн шэнэлэгдээ. 9 номой сан байгуулагдаа, республикын аймагуудта киногой 14 танхим нээгдээ, 5 автоклуб эльгээгдээ.