Михалковай шүлэгүүдые - буряадаар

Тэрэнэй бэшэһэн шүлэгүүд олон ондоо хэлэндэ оршуулагдаһан байдаг юм. Энэ түсэлдэ хабаадагшад мэдээжэ шүлэгшэнэй дабтагдашагүй зохёохы ажалтайнь дахинаа танилсана.

Бүхэроссиин хэмжээнэй түсэлдэ манай Буряадай үндэһэ яһатанай 1-дэхи лицей-интернадай 2-дохи «а» ангиин һурагшад эрхимээр хабаадалсабад. Багшань Жаргалма Цыреновна Эрдынеева хүүгэдээ бэлдээ.

• Эмхидхэгшэд намда хонходожо, энэ түсэлдэ хүүгэдээ хабуудалхыемни дурадхаа. Ирагуу найрагшын зохёоһон «Хусанууд» (Бараны), «Трезор» гэжэ нэрэтэй хоёр шүлэгүүдые 9 хүүгэд хубаажа, уранаар ушаа. Тэрэнииень видео дээрэ буулгаха хэрэгтэй байгаа. Тиимэһээ хоёр шүлэгөө хэды дахин дабтажа уншаабди. Элдэб арадай түлөөлэгшэдэй уншаад эльгээһэн видеоматериалнуудай эгээл эрхимүүдые шэлэжэ, кинодо оруулха юм. Манай хүүгэд тэрэ кинодонь оролсохо бэзэ гэжэ ехэтэ найданабди, - гэжэ багша Жаргалма Эрдынеева хэлээд, үшөө иигэжэ нэмэнэ: - Хүүгэд хара багаһаа элдэб янзын урилдаануудта, түсэлнүүдтэ хабаадажа байхадань, саашанхи хүгжэлтынь замда туһатай байха. Эгээл тиимэһээ хүүгэдээ уран һайханайшье, мүн эрдэм шэнжэлгыншье урилдаануудта хабаадуулжа байха хэрэгтэй.

Буряад арадаа түлөөлжэ, энэ түсэлдэ хабаадалсаһан хүүгэдэймнай ажал һайн сэгнэлтэдэ хүртэхэ бэзэ гэжэ найданабди.