«Байгал» театр Казань, Самара, Тольятти хотонуудта тоглолто табиба

Татарстанай гүрэнэй филармониин тайзан дээрэ «Минии Буряад орон» гэһэн тоглолто харуулжа, аялга дуунай, хатар нааданай, хүгжэмэй хүсөөр буряад арадайнгаа соёл урлал танилсуулаа.       

Тоглолтын болохоһоо долоо-найман хоног урид бүхы биледүүдынь наймаалагдаад байгаа гэжэ тэмдэглэлтэй.

• «Байгал» театрай тоглолтонууд арад зоной дунда хүлгөө татаһаниинь ойлгосотой. Гүрэнэймнай алишье буланда манай артистнуудые мэдэдэг, хүлеэдэг байһыень гэршэлнэ ха юм, - гэжэ Буряад Уласай соёлой сайд Соёлма Дагаева хэлэнэ.

Тиигэжэ Тольятти, Самара хотонуудай ажаһуугшадшье нютагаймнай артистнуудые халуун альга ташалгаар угтаа.

Тус гастрольнууд «Байгал» театрай 80 жэлэй ойн баярай хэмжээндэ үнгэргэгдэбэ. «Минии Буряад орон» гэһэн тоглолто июниин 13-14-эй үдэрнүүдтэ Улаан-Үдэ хотын «Рассвет» гэһэн түбтэ, мүн июниин 18-19-эй үдэрнүүдтэ «Феникс» гэһэн түбтэ табигдаха гэжэ дуулгая.