2 сая түхэриг шангай түлөө тэмсэхэ

Арадай хүгжэмтэ зэмсэгүүдэй “Аялга” ансамбль Хяагтын үхибүүдэй урлалай һургуулиин Алтай һууринай таһагта байгуулагдаһан юм. Эдэ үдэрнүүдтэ  Москвада, Гнесинүүдэй нэрэмжэтэ Россиин хүгжэмэй академиин тайзан дээрэ үнгэргэгдэһэн хэмжээ ябуулганда эдир хүгжэмшэд уригдажа шагнагдаба. Ансамблиин гэшүүд Цырена Буянтуева, Сойжина Дашиева, Алтана Сакияева, Дарима Цыбикова гэгшэд  лауреадай дипломуудаар, сэнтэй бэлэгүүдээр урмашуулагдаа. Хүтэлбэрилэгшэ - Евгения Рампилова. Гэхэтэй хамта “Аялга” ансамбль һайн дуранай коллективүүдэй дунда соносхогдоһон Бүхэроссиин фестиваль-конкурсын зональна шатада хабаадаа. Энээн тухай Буряад Уласай Соёлой яаманай пресс-албан мэдээсээ һэн.  Тус хэмжээ ябуулга энэ удаа 5-дахияа үнгэргэгдэжэ, Россиин арадуудай ёһо заншалнуудта зорюулагдаха.  Фестиваль-конкурсдо шалгарһан 20 коллектив бүхэндэ гол шан - 2 сая түхэриг барюулагдаха.   Арадай аман зохёолой,  арадай хатарай бүлгэмүүд, арадай хүгжэмэй зэмсэгүүдэй оркестрнүүд бэлиг шадабарияа харуулан мүрысэхэ юм.